أرفع أسمى آيات التهاني والتبريكات لمقام سيدي خادم الحرمين الشريفين وولي عهده الأمين والشعب السعودي بمناسبة الذكرى الثانية لـ ⁧‫#يوم_التاسيس

على علو الجبل ولا رمال الزبار
ولا ورود الخضار وصوت موج البحر
.
يبقى شموخ السعودي في سعه وازدهار
دامٍ ولي الامر اذا رقدنا سهر
.
على استبابات امنّا سار والعدل سار
ماينذكر واحد وسط في داري انقهر
.
من عهد تأسيسها تبذل جهودٍ كثار
وتخدم بقاع الحرم ويصف فيها الدرر
.
مضى ثلاثة قرونٍ في سلام ووقار
وانقص بخمسة سنين تعتبر عن عشر
.
وتأسست من امارة محتمين الديار
درعيةٍ لو فقدنا ارواحنا لها مهر
.
بسم الامام الحكيم اللي رفعها جهار
محمد ابن سعود اللي على الامر
.
الثانيه في إمارة نجد بان النهار
واستنعشت دارنا في ظل تركي الفخر
.
ومن بعدها دارنا تنخى حفيد الكبار
ثمٍ رفعها معزي مثل نجمٍ ظهر
.
واسس لنا ثالث الامجاد والامن دار
عساه في جنتٍ يجري تحتها النهر
.
وحّد جميع العرب فالدار بعد الدمار
لين استوت دارنا للباديه والحظر
.
وسعود من بعد ابوه ارسى الحكم واستنار
واخضرت الاوديه عقب الضما والدهر
.
ومن بعدها الفيصل اللي للمهمات صار
حلٍ يحل العقد ويلين اقوى حجر
.
ومن بعدهم خالد اللي له من الطيب كار
اللي شهد شعبه انه اكرم مليك وبشر
.
من بعده الفهد حلق فالسحايب وطار
سياسي يلعب بساس السياسه سطر
.
واللي اجتمع في غلاه كبارنا والصغار
فقلوبنا حب عبدالله يحفر حفر
.
يالله يامحصنٍ طه محمد ب غار
ترحمهم اللي غدو لدار نورٍ ظهر
.
وتطول بعمر حاكمنا امام الديار
مليكنا راية المجد الابي الاغر
.
خادم بيوت الله وسترٍ ل ام الخمار
اللي حكم بالحزم ويدوس حر الجمر
.
سلمان سلمان سيف العز والانتصار
ابو فهد يالله انك تزود عمره عمر
.
وولي عهده حفيد معسفين المهار
اللي نظر نظرةٍ ماقد نظرها النظر
.
رؤيته ترفع بلد من حفة الانهيار
ويرجح اثقل موازين الدول في شهر
.
محمد الصارم اللي حاز كل اقتدار
اللي محا عينات اهل الكذب والغدر
.
اللي كبر بالعقل والجم افواه الكبار
لين الدول تحسب لداري حساب وقدر
.
ياجعل يبطون للامه ظلال ومسار
وياجعل تاسيسهم ماينمحي له اثر
.
يبقى شموخ السعودي في سعه وازدهار
دامٍ ولي الامر اذا رقدنا سهر

حمد ال هتيله✍🏻

#يوم_بدينا