لاح نجم الصيف واشتد الهجير
والمصايف شرعت بيبانها
يا هلي هيا على الطايف نسير
تستريح الروح في وديانها
طائفي الحب قلبي لو يطير
ما نزل إلا على غدرانها
ناش فيها وأنا توي صغير
ما نسيت اللعب في شعبانها
والبساتين اللي لها خنت عبير
للطيور هروج بين أغصانها
القماري والبلابل والنغير
يطرب العشاق رجع ألحانها
جنةٍ عذرا وماها له خرير
تينها شابك مع رمانها
والورود اللي على جال الغدير
النحل يلعب على تيجانها
يا حلو نفحاتها عقب العصير
والمخايل هاطل هتانها
هذي الطايف لها حب كبير
من غلاها ومن غلا سكانها
حبيتها والشوق في قلبي كثير
والقلوب تحن يم أوطانها
✍️ الأمير خالد بن سعود الكبير
(0) التعليقات
تسجيل الدخول
إضافة رد على التعليق
الردود
لا توجد تعليقات